Stqarrija għall-istampa mis-Soċjeta` Mużikali San Lawrenz – L-Overture ‘President’s Jubilee’

Is-Soċjeta` Mużikali Banda Sant’ Andrija riċentament tellgħet Programm Mużikali bħala parti mill-Festa Liturġika tal-Appostlu Sant’Andrija.Waħda mis-siltiet li ndaqqet kienet il-Classic Overture ‘Jubilee’ li skont in-noti fil-Programm ta’ tifkira kif ukoll il-kummenti tal-preżentatur din iżżanżnet għal dik l-okkażjoni u nkitbet speċifikament fl-okkażjoni tal-130 sena tal-Banda Sant’Andrija.Is-Soċjeta` Mużikali San Lawrenz tixtieq tiġbed l-attenzjoni li dak li nkiteb u ntqal huwa kompletament żbaljat. Dan għaliex il-propju isem tal-Classic Overture huwa ‘President’s Jubilee’ li ndaqqet għall-ewwel darba mil-Banda Vittoriosana San Lawrenz nhar it-2 t’Awwissu, 2012 fl-okkażjoni tal-25 Sena Presidenza tas-Sur Lawrence V. Farrugia. Din is-silta Mużikali nkitbet mis-Surmast Paul Schembri, li huwa s-Surmast taż-żewġ Soċjetajiet Mużikali msemmija u kienet ir-rigal tal-istess Surmast lill-President tas-Soċjeta` Mużikali San Lawrenz għal din l-okkażjoni.

Għaldaqstant, is-Soċjeta` Mużikali San Lawrenz tħoss li għandu jiġi ċċarat dan il-fatt, mingħajr ma’ ħadd iktar ma jipprova jinganna l-fatti hekk kif ġraw, għaliex ħadd ma jista’ jmerihom.

Dan il-proġett ġie ffinanzjat permezz tal-iskema Small Initiatives Support amministrata mill-Kunsill Malti għas-Settur tal-Volontarjat. Dan il-proġett jirrifletti biss il-veduti u l-ħsibijiet tal-pubblikaturi/awturi, u l-Kunsill Malti għas-Settur tal-Volontarjat ma jistax jinżamm responsabbli għall-kontenut jew għall-użu li jista jsir minn dan l-istess kontenut.

This project has been funded by the Small Initiatives Support Scheme (SIS), managed by the Malta Council for the Voluntary Sector (MCVS). This project reflects the views only of the author, and the MCVS cannot be held responsible for the content or any use which may be made of the information contained therein.
Multilingual Wordress powered by WPML