Wara li l-Programm Annwali fl-okkażjoni tal-festa tal-Padrun tal-Belt Rebbieħa tneħħa minn lejlet il-festa u beda jsir kull nhar is-7 t’Awwissu, fl-2004 dan il-programm ingħata dehra ġdida. Filfatt, b’deċiżjoni għaqlija tal-Kummissjoni Banda, flimkien mal-banda bdew jipparteċipaw diversi kantanti stabbiliti, żeffiena, kif ukoll animazzjoni varja. Dan l-ispettaklu mużikali mżewwaq jiġi fi tmiemu bi ‘Gran Finale’ spettakolari ta’ nar sinkronizzat mal-mużika.

Filfatt fil-Programm tal-2004, Il-Banda Vittoriosana San Lawrenz daqqet din il-mużika, bit-tmiem grandjuż tal-Overture 1812 sinkronizzata man-nar.

 

Fl-2005 il-Programm Mużikali sar bis-sehem ta’ numru kbir ta’ kantanti fosthom, Ludwig Galea, Fabrizio Faniello, Aldo Busuttil, Karen Polidano, Frans Baldacchino il-Budaj, Maria Mallia, Annabelle Debono, Cliff Zammit, u Steve Camilleri. Barra minn dawn, biex ikompli jiżdied l-ispettaklu, il-Banda kienet ukoll akkumpanjta miż-zfin ta’ Josray Dance Company, Paul Curmi Dancers, William Dance Company u Tony Lawrence Dance Company. Il-banda daqqet dan il-programm, bi tmiem grandjuż peremzz ta’ nar sinkronizzat mas-silta Aida.

 

 

Fl-2006, il-kantanti li ħadu sehem f’dan il-programm ferm mistenni kienu Olivia Lewis, Debbie Scerri, Philip Vella, J Anvil u Ludwig Galea. Ħa sehem ukoll Clifton Vella bil-Bagpipes, kif ukoll il-kumpanija taż-żfin Keith and Adonelle Dancers. L-Għaqda Piroteknika 10 t’Awwissu ħadet ħsieb għal darb’oħra it-tmien grandjuż, permezz ta’ nar sinkronizzat mas-silta Marcia Slava.

 

 

Fl-2007, il-Kummissjoni Banda iddeċidiet li Vittoriosa in Festa għandu jkun Programm Mużikali b’tema. It-tema magħżula kienet dik tal-Musicals. Flimkien mal-banda kantaw Aldo Busuttil, Marisa D’amato, Kimberly Grech, Leontine, Roger Tirazona u Mark Tonna. Daqq ukoll flimkien mal-banda il-Vjolinista Mario Ciantar u ħa sehem ukoll permezz ta’ diversi animazzjonijiet il-grupp taż-żfin Vittoriosan Mystic Dance Company. Fl-aħħar nett, l-Għaqda Piroteknika 10 t’Awwissu għażlet li tagħmel finali b’nar sinkrnizzat mas-silta popolari Light Cavalry.

 

Fl-2008, f’dan il-Programm Mużikali tant misteni spikka id-daqq ta’ numru kbir ta’ Valzers tant popolari u sbieħ. Dawn il-valzijiet, flimkien ma’ diversi kanzunetti popolari, anke Maltin, żewqu dan il-programm u divrsi kantanti li ħadu sehem komplew għamluh uniku, fosthom Ludwig Galea, Chiara, J Anvil u Olivia Lewis. Il-valzers kienu animate minn żfin professjonali tal-Pro Touch Dance School. L-Għaqda Piroteknika 10 t’Awwissu għazlet ir-Radeetsky March għall-għeluq grandjuż tan-nar sinkronizzat.

Il-Programm Mużikali ‘Vittoriosa in Festa’ tas-sena 2011 kellu it-tema ta’ The Americas, b’mużika ġejja totalment mill-kontinent Amerikan. Għal darb’oħra kienet tema oriġinali u li ntlaqgħet tajjeb minn kulħadd, speċjalment il-mużika li ndaqqet kif jidher hawn taħt. Flimkien mal-Banda Vittoriosana San Lawrenz, li kienet taħt id-direzzjoni stupenda ta’ Mro Paul Schembri, ħadu sehem il-kantanti Ludwig Galea, Neville Refalo, Greta Attard u Donna Marie Ellul, il-vjolinista Mario Ciantar kif ukoll ‘Keith Dance Studio’. L-Għaqda Piroteknika 10 t’Awwissu ħadet ħsieb li tagħlaq dan il-Programm Spettakolari b’ Nar Sinkronizzat mas-silta ‘Pirates of the Caribbean’.

Innu Marċ San Lawrenz	G. Frendo
Conquest of Paradise	Arr. R. Sebregts
Don’t Cry for Me Argentina	Arr. A. Chircop
Hotel California	Arr. M. Saurer
Santana	Arr. G. Gazzani
Theme from ‘New York, New York’	Arr. F. D. Cofield
Pearl Harbour	Arr. U. Buhagiar
Caribbean Cameo	T. L. Sharpe
Western ‘Tal-Cowboys’	P. Schembri
I Don’t Wanna Miss A Thing	Arr. J. Brown
Last of the Mohicans	Arr. R. Bugeja
Samba	Arr. M Viziru
What a Wonderful World	Arr. L. Pusceddu
Hawaii Five ‘O	Arr. U. Buhagiar
Brazil	Arr. P. Ippolito
Billy Jean	Arr. J. Brown
Heal The World	Arr. J. Van Kraeydonck
Pirates of the Caribbean	Arr. J. Wasson
Innu lil San Lawrenz	L. Galea
Innu Banda San Lawrenz	H.H. Dalli

Il-Programm Mużikali tas-sena 2012 jibqa’ żgur imsemmi mid-Dilettanti tal-Mużika. Dan għaliex b’wiċċna minn quddiem nistgħu ngħidu li kien fost l-aqwa programmi mużikali, li qatt tellajna. Bit-tema Sports n’ Music, għal darb’ oġra oriġinali għall-aħħar, rajna u smajna siltiet mużikali sinonimi mal-isports, mil-Logħob Olimpiku, għat-Tazza tad-Dinja, għall-siltiet immortali fl-isports. Dawn kienu akkumpanjati minn korjografija kontinwa imtella’ minn Keith Dance Studio, u fuq kollox bis-sehem tal-membri tal-Vittoriosa Stars Youth Nursery, bil-pubbliku wkoll ikun parteċipi. Ma setgħux jonqsu wkoll żewġ affarijiet: Spettaklu mis-Surmast u l-Banda fuq il-Planċier Meravilja, u tmiem Spettakolari mill-Għaqda Piroteknika 10 t’Awwissu. Il-Programm li ndaqq hu kif elenkat hawn taħt:

Għal darb’oħra, il-Kummissjoni Banda tas-Soċjeta` Mużikali San Lawrenz irnexxielha fis-sena 2013 tkun oriġinali fit-tema ta’ dan il-Programm Mużikali. Bl-isem ta’ 80s Flashback, dawk li attendew għal dan il-Programm Mużikali ġeddew il-memorji lejn il-mużika tas-snin tmenin. B’xelta ta’ stili u mużika varjata, flimkien ma’ Spettaklu sħieħ, il-Vittoriosa in Festa kompla saħħaħ ismu fl-2013. Fil-fatt, fil-waqt li l-Banda kienet bħas-soltu taħt id-Direzzjoni tas-Surmast Mro Paul Schembri u l-Assistent Surmast Mro Ugo Buhagiar, ħadu sehem ukoll il-kantanti Ludwig Galea, Debbie Scerri, Janvil, Laura Bruno u Geordie Debono, il-Mystic Dancers, il-Kitarrist David Borg u l-Kor tat-Tfal Future Voices. Bil-kollaborazzjoni tal-Għaqda Piroteknika 10 t’Awwissu sar tmiem spettakolari permezz ta’ Stage Fireworks u karti kkuluriti. Il-Mużika li ndaqqet kienet din li ġejja:

Innu Marċ	San Lawrenz	G. Frendo
Eighties Flashback	Medley	Arr. P. Murtha
Gloria	Tozzi / Branigan	Arr. D. Carnevali
I Was Made For Loving You Baby	Kiss	Arr. F. Bernaerts
Live is Life	Opus	Arr. E. Spiteri
Crazy Little Thing Called Love	Queen	Arr. F. Bernaerts
Love Changes Everything	Michael Ball	Arr. P. Cutajar
Summer of 69	Brian Adams	Arr. F. Bernaerts
Hot Stuff	Donna Summer	Arr. J. Van Kraeydonek
Lay All Your Love On Me	Abba	Arr. F. Bernaerts
Sara` Perche` Ti Amo	Ricchi e Poveri	Arr. E. Spiteri
Best of Guns N’Roses	Guns N’Roses	Arr. E. Spiteri
Eye of The Tiger	Survivor	Arr. P. King
L-Aħħar Bidwi f’Wied il-Għasel	New Quorey	Arr. G. Debono
Another Brick In The Wall	Pink Floyd	Arr. E. Spiteri
You Can Leave Your Hat On	Joe Cocker	Arr. S. Cortland
The Final Countdown	Europe	Arr. P. Cutajar
Song	Serenata lill-Birgu	Arr. P. Schembri
Innu Marċ	Ċentinarju	P. Schembri
Innu	San Lawrenz	L. Galea
Innu	Banda San Lawrenz	H. H. Dalli

Il-Vittoriosa in Festa tas-sena 2014 żgur li jibqa’ jissemma bħala wieħed mill-aqwa programmi li qatt sar. Minn mużika klassi għal dik moderna, minn pajjiż għall-ieħor, issawret it-tema “The EU in Concert”. Dan sar b’kommemorazzjoni għall-10 Anniversarju mis-Sħubija ta’ Malta fl-Unjoni Ewropeja. Pero` mhux biss, għax is-Soċjetà ħasbet li tikkommemora kif jixraq ukoll il-50 Sena Anniversarju mill-Indipendenza ta’ Malta, l-40 Sena Anniversarju minn meta Malta saret Repubblika u l-35 Sena minn meta Malta kisbet il-Ħelsien. Dan sar billi l-programm għalaq bis-silta Highlights minn Ġensna, ir-Rock Opera Maltija tant popolari. Flimkien mal-banda ħadu sehem Aldo Busuttil, Debbie Scerri, Iona Dalli, Ismael Grech, il-kor tat-tfal Future Voices, Keith Dance Studio u animazzjoni bil-bnadar tal-pajjiżi tal-UE mill-kumpanija Mystic Dancers. Ta’ min jgħid ukoll li dan kien l-aħħar Vittoriosa in Festa li sar taħt id-direzzjoni ta’ Mro Paul Schembri. Il-mużika li ndaqqet kienet din:

Innu Marċ	San Lawrenz	Giuseppe Frendo
Fanfarra u Fuga	Malta Ewropeja	Manoel Pirotta
Symphony	No. 5	Ludwig V. Beethoven
Polka	Czech	Johan Strauss
Song	Tulips from Amsterdam	Arr. Manoel Pirotta
Song	Only Tear Drops	Arr. Frank Bernaerts
Hit Series	Les Lacs Du Connemara	Arr. Willy Hautvast
Medley	Abba Gold	Arr. Ron Sebregts
Pasodoble	Andalusia	Paul Schembri
Song	Hard Rock Hallelujah	Arr. Jon Van Kraeydonck
Song	O Ritmo do Amor	Arr. Etienne Spiteri
Theme	Under Paris Skies	Arr. Ugo Buhagiar
Rock Theme	With or Without You	Arr. Etienne Spiteri
Waltz	Blue Danube	Johann Strauss
Dance	Hungarian	Johann Brahms
Theme from Nabucco	Va Pensiero	Giuseppe Verdi
Zorba	The Greek	Arr. Dominic Darmanin
Medley	The St, George’s Cross	Arr. Etienne Spiteri
March	Radetsky	Johan Strauss
Rock Opera	Highlights from Ġensna	Arr. Ugo Buhagiar
Innu Marċ	Ċentinarju	Paul Schembri
Innu	San Lawrenz	Lorenzo Galea
Innu	Banda San Lawrenz	Hector. H. Dalli

Is-sena 2015 kienet sena li fiha dehret differenza waħda bażika waqt il-programm Vittoriosa in Festa. Fil-fatt, għall-ewwel darba wara 35 sena, Mro Paul Schembri ma kienx qiegħed jidderieġi. Mro Jonathan Abela, is-Surmast il-ġdid tal-Banda Vittoriosana San Lawrenz, ħa l-ħatra uffiċjali dakinhar u kien hu li ħabbat dan il-programm għall-ewwel darba. Ta’ min isemmi li l-Kumitat tas-Soċjeta` kien ħejja ringrazzjament xieraq lil Mro Schembri li imma minħabba raġunijiet ta’ saħħa, ma setax jattendi. Bit-tema ta’ “Hakuna Matata – A Journey Through Disney”, dan il-programm ħa lil dawk kollha li attendew fid-dinja ta’ Walt Disney, xelta sħieħa ta’ mużika klassika għal dik moderna. Għal darb’oħra, dan il-programm li issa sar appuntament annwali fil-kalendarju mużikali Malti, kien suċċess enormi. Flimkien mal-Banda San Lawrenz ħadu sehem J Anvil, Tiziana Calleja, Nathalie Pace u l-grupp ‘Centre Stage’, kif ukoll l-Għaqda Piroteknika 10 t’Awwissu.Il-mużika li ndaqqet kienet din kif ġejja :

 

Fis-sena 2017, il-Banda Vittoriosana San Lawrenz għamlet ‘Vittoriosa in Festa’ bit-tema ‘A Symphony to Victory’, programm mużikali li kien suċċess minn kull aspett. Taħt id-direzzjoni tas-Surmast Jonathan Abela huwa mexxa programm mżewwaq fejn ħadu sehem fih il-kantanti Tiziana Calleja, Christian Arding , il-grupp Centre Stage flimkien mal-vjolinist Valhmor Montfort. Fil-Pjazza ewlenija tal-Belt Vittoriosa ppakkjata bin-nies l-applawsi kienu kontinwi għal dak li esegwiet il-Banda fejn kien Programm li ġedded memorji lil ħafna b’mod partikolari li dawk li għexu dawk iż-żminijiet tat-Tieni Gwerra Dinjija u ftit wara. Ta’ min isemmi wkoll numru ta’ Solos li saru mis-Surmastrijiet tas-Soċjeta` Francois Borg u Andrew Zarb.

 

Il-Programm Vittoriosa in Festa tas-sena 2018 kellu t-tema ‘Clash of the Centuries’. B’mużika mis-seklu li għadda kontra mużika minn dan is-seklu, dan il-programm mużikali kellu l-innovazzjoni fejn is-Surmast u l-Assistent Surmast, permezz tal-Banda Vittoriosana San Lawrenz, taw togħma tas-suċċessi kbar bi stili mużikali differenti li kkaraterizzaw l-aħħar 100 sena. Flimkien mal-Banda Vittoriosana San Lawrenz ħadu sehem il-kantanti Ozzylino, Jasmine, Christian Arding u Lello Ebejer, flimkien mal-kitarrist rinomat Marc Galea u Dancing Angels u l-allievi tas-Soċjeta`. Ta’ min isemmi li l-marċ ta’ qabel il-Programm sar mill-Banda Vittoriosana San Lawrenz u l’ Associazione Culturale Musicale Bandistica Synphonica Citta` di Viagrande. Il-Banda Vittoriosana San Lawrenz daqqet din il-mużika kif ġej.

Vittoriosa in Festa tal-2019 kien għal darb’oħra b’tema mill-iktar oriġinali. Bl-isem ta’ A Musical Odyssey, il-Banda Vittoriosana San Lawrenz ħadet lil dawk kollha li attendew fi vjaġġ mużikali li beda mis-seklu 19 sas-seklu 21, minn mużika klassika għal dik moderna u Pop. Flimkien mal-Banda Vittoriosana San Lawrenz, li kienet taħt id-direzzjoni ta’ Mro Jonathan Abela, ħadu sehem il-kantanti Ozzy Lino, Christian Arding u Jasmine, fil-waqt li Marc Galea ingħaqad mal-Banda bl-Electric Guitar. Fuq kollox, mal-Banda Vittoriosana San Lawrenz ingħaqdu l-allievi tas-Soċjeta` li daqqew We Will Rock You, fil-waqt li l-Banda daqqet dawn is-siltiet mużikali.

Wara li fis-sena 2020 ma kienx possibbli li jsir il-programm Vittoriosa in Festa minħabba l-pandemija COVID-19, tant li anke ma saritx il-festa, fis-sena 2021, għalkemm il-pandemija kienet għadha għaddejja, is-sitwazzjoni u l-istruzzjonijiet maħruġa mill-Awtoritajiet ppermettew li l-programm mużikali din id-darba jsir. Minnkejja li l-Festa għal darb’oħra ma saritx kif nafuha imma b’format differenti, il-Banda Vittoriosana San Lawrenz xorta waħda tellgħet programm mużikali tal-ogħla livell. B’xelta mużikali varjata minn kull żmien, fuq palk armat apposta għaliex il-planċier ma ntramax, u bl-udjenza b’format cabaret f’area magħluqa apposta fil-pjazza, il-Banda Vittoriosana San Lawrenz kienet taħt id-direzzjoni tal-Assistent Surmast Mro Francois Borg. Flimkien mal-banda ingħaqad il-kantant Lello, li kanta diversi siltiet popolari mir-repertorju li esegwiet il-Banda Vittoriosana San Lawrenz.